پاش چاوه‌ڕوانیه‌کی زۆر، ئێواره‌ی دوێنێ له‌ شاری نیویۆرك له‌ کۆنگره‌یه‌كی تایبه‌تدا سامسۆنگی کۆری نوێترین نه‌وه‌ی زنجیره‌ی (نۆت)ی به‌ ناوی (گاله‌کسی نۆت 8)ـه‌وه‌ ئاشکرا کرد.

له‌ به‌رهه‌مه‌که‌دا گۆڕانکاری و به‌ره‌وپێش بردنی باش کرابوون به‌ به‌راورد به‌ دوواین به‌رهه‌می کۆمپانیاکه‌ که‌ گاله‌کسی ئێس 8 بوو.

یه‌ك له‌ گرنگترین گۆڕانکاریه‌کان بریتی بوو له‌ به‌کارهێنانی میکانیزمی دووانه‌ کامێرا، که‌ بۆ یه‌که‌م جاره‌ سامسۆنگ ئه‌و میکانیزمه‌ له‌ مۆبایلێکی ئاست به‌رز (فلاگشیپ)دا به‌کار بهێنێت، که‌ بریتیه‌ له‌ دوو کامێرا به‌ تایبه‌تمه‌ندی جیاوازه‌وه‌.

کامێرای یه‌که‌م 12 مێگاپێكسڵه‌ و فراوانی ده‌رچه‌که‌ی 1.7 ـه‌ و هه‌سته‌وه‌ری گۆشه‌ فراوانی تێدا به‌کارهاتووه‌، کامێرای دووه‌م به‌ هه‌مان شێوه‌ 12 مێگاپێكسڵه‌ و فراوانی ده‌رچه‌که‌ی 2.4 ـه‌ و میکانیزمی (telephoto)ی تێدا به‌کارهاتووه‌.

بۆیه‌ له‌ ئێستادا زۆرترین تیشك له‌سه‌ر کامێرای مۆبایله‌که‌یه‌، ئاخۆ توانای دووانه‌ کامێراکه‌ چه‌نده‌یه‌ و ده‌توانێت چی پێشکه‌ش بکات؟

بۆ وه‌ڵامدانه‌وه‌ی ئه‌م پرسیاره‌ش، کۆمپانیاکه‌ له‌ ماڵپه‌ڕی فه‌رمی خۆی له‌پاڵ باسکردنی ته‌واوی تایبه‌تمه‌ندیه‌کانی مۆبایله‌که‌، چه‌ند نموونه‌یه‌کی وێنه‌ی گیراوی مۆبایله‌که‌ی پێ داوین، هه‌روه‌ها چه‌ند وێنه‌یه‌کی دیکه‌شمان له‌ ماڵپه‌ری (Android Authotiry)یه‌وه‌ وه‌رگرتووه‌ که‌ یه‌كێکه‌ له‌ بڕواپێکراوترین ماڵپه‌ڕه‌ ته‌کنه‌لۆژیه‌کان.

کۆمه‌ڵه‌ی یه‌که‌م: کۆمپانیای سامسۆنگ خۆی وێنه‌کانی گرتووه‌ به‌ به‌کارهێنانی میکانیزمه‌ جیاوازه‌کان.
کۆمه‌ڵه‌ی دووه‌م: ته‌نها سوود له‌ کامێرای سه‌ره‌کی وه‌رگیراوه‌.
کۆمه‌ڵه‌ی سێیه‌م: سوود له‌ میکانیزمی (telephoto) وه‌رگیراوه‌.

کۆمه‌ڵه‌ی یه‌ك:














کۆمه‌ڵه‌ی دوو:











کۆمه‌ڵه‌ی سێ:









  • ئێوە ڕاتان چییە، پێتان چۆنە؟

ئەمەش بخوێنەوە

هواوی P20 و P20 Pro ی ڕاگەیاند

ئەمڕۆ بەرواری بەستنی کۆنگرەی تایبەتی هواوی بوو لە شاری پاریس، زنجیرەی P20 ی تێدا ئاشکرا کر…